Најмалку 17 лица загинаа, а 34 се повредени во сообраќајна несреќа во Авганистан, соопштија денеска локалните власти. Меѓу загинатите има и три деца.
Патниците загинаа кога автобусот се преврте во областа Хинџан, провинцијата Баглан.
Автобусот бил на релација Кабул – провинција Фариџаб, на северот на Авганистан.
Истрагата за причините за несреќата е во тек, но локалните медиуми јавуваат дека превртувањето на автобусот можеби е последица на невнимание на возачот.
