Владата на Косово го усвои предлогот 11 јули да се прогласи за „Ден на сеќавање на геноцидот во Сребреница“, пренесува Коха.нет.
Како што пренесува косовскиот Коха.нет, денешната седница на Владата започна со едноминутно молчење во почит на жртвите од геноцидот во Сребреница.
Премиерот Албин Курти изјави дека прогласувањето на 11 јули за Ден на сеќавање на геноцидот во Сребреница е благородна и соодветна акција во име на Косово.
„Оваа година ја прославивме 25-годишнината од ослободувањето. Се сеќаваме на извршените масакри, се сеќаваме на жртвите од војните од 90-тите. Се сеќаваме на 8.372 мажи и момчиња од Сребреница кои беа убиени од српските сили во најголемиот масакр во Европа од Втората светска војна“, рече тој.
