Еден пожар е активен утринава меѓу селата Отишино и Оризари во општина Велес каде што гори ниска вегетација. Пожарникарите од Велес вчера интервенирале со 3 противпожарни возила и 11 пожарникари, а утринава, според информациите на Центарот за управување со кризи, ќе продолжат да дејствуваат.
Во текот на изминатото деноноќие евидентирани се 13 пожари на отворено од кои една третина биле на повик за гаснење депонии.
Вчера гореше дивата депонија „Вардариште“ поради што се ширеше остар и непријатен мирис во населбите кои гравитират во тој дел.
ЦУК апелира граѓаните да не палат отпадоци и ѓубре на ова топло време и сува вегетација во природата.
