Немал среќа, па купил бензин и ги запалил автоматите

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Основниот Суд во Велес во прв степен го осуди лицето Д.М. на ефективна казна затвор во времетраење од шест години, поради тоа што на 18 јануари 2024 година, откако го посетил автомат клубот „Вила Зора“ во Велес, излегол оттаму, купил бензин и го ставил во две пластични шишиња, се вратил, ги полеал апаратите за игри на среќа и столовите и ги запалил. Со таквите дејствија предизвикал целосно опожарување на објектот и со тоа ги ставил во опасност вработените, но и станарите кои живеат во зградата.

Јавноста беше згрозена од овој инцидент кој освен значителна материјална штета можеше да заврши многу трагично и да однесе и човечки животи.

„Со вака изречената кривична санкција, судот цени дека ќе биде постигната целта на казнувањето како на специјален, така и на генерален план“, стои во образложението на пресудата на Основниот Суд во Велес.

Во последниот период од билтените на МВР јавноста се информира за исти или слични кривични дејствија со кои се нанесува материјална или нематеријална штета во објекти каде се одвиваат игри на среќа. Приредувачите на игри на среќа велат дека имаат добра соработка и редовна координација со МВР за превентивни мерки за сузбивање на ваков тип кривични дела.

Пресудата на Основниот Суд во Велес е сериозна порака до сите оние кои поради тоа што самите одлучиле да си ја испробаат среќата и не им тргнало по планот, помислуваат дека можат во афект да дивеат и да сторуваат тешки кривични дела против општата сигурност.

Share This Article