Весело било минатиот викенд во семејството на актерката Сузан Сарандон (77). Нејзината ќерка Ева Амури (39) во саботата се омажи за готвачот Иан Хок. Свадбата ја направиле во Виндрифт Хол во долината Хадсон во Њујорк, пишува магазинот „Пипл“, а меѓу гостите бил и поранешниот партнер на нејзината мајка, актерот Тим Робинс (65).
– Работевме со нашиот службеник на осмислување на церемонијата која требаше да биде многу лична и интимна, а потоа се фокусиравме на нашата втора љубов во животот: храната! Сè што навистина ни требаше беше убава атмосфера, нашите најблиски и вкусна забава – рекла Ева за „Пипл“.
Ќерката на режисерот Франц Амури и Сузан Сарандон го кажа судбоносното „да“ на церемонија инспирирана од француска забава во градина. Присутни биле само 40 гости, кои уживале во деликатесите од областа Хадсон, особено во вкусовите на патка и лосос. Што се однесува до пијалаците, имало локални пива и вина од помали производители, а во понудата биле два крафт коктели и шампањ.
За првиот танц ја избрале песната „Lover“ од поп ѕвездата Тејлор Свифт.
– Мојата најголема цел беше да го направиме токму она што го сакаме, без да чувствувам притисок однадвор. Не ангажирав организатор за венчавки и сама го дизајнирав целиот амбиент на свадбата. На моменти беше стресно. Последниот пат кога бев невеста, немав три деца. Но, генерално, беше толку посебно чувството да се фокусираме на сите мали детали и да си го направиме денот навистина личен – рекла невестата за „Пипл“.
Ева до олтарот ја придружувал и нејзиниот мал син Мајор, кој го доби во претходниот брак. Таа ја има ќерката Марлоу Меј (9) и синовите Мајор Џејмс (7) и Матео Антонио (4).
– Иан прекрасно се грижи за мене и за децата, тој е полн со љубов. Тој е најдобриот очув некогаш. Нова врска не ми беше ни на ум, но се случи – го пофалила својот нов сопруг, кој го запознала додека била бремена со најмладиот син Матео.
Таа за специјалниот ден облекла венчаница од Ким Касас која ја красат елеганција и доза на сексапил, а подоцна за забавата се пресоблекла во мини фустан.
– Бидејќи се мажам по вторпат, ми беше многу полесно да планирам бидејќи научив многу од мојата прва венчавка и се познавам себеси толку добро во овој момент од животот – рекла Амури, навраќајќи се на својата венчавка со Кајл Мартин. Нивниот брак пропадна по осум години заеднички живот.
ФОТО: Инстаграм
