На малопродажните синџири во Германија им се заканува недостиг на домати од конзерва. Алди, Едека и Лидл би можеле да останат без оваа храна, пишуваат германските медиуми.
Постојат две причини зошто снабдувањето со конзервирани домати може да биде тешко. Како што пишуваат германските медиуми, првата причина е прекумерното купување на конзервирана храна.
Во страв од недостиг, многумина купуваат конзервирана храна која има подолг рок на траење. Друга причина за недостигот е тоа што земјоделците во Италија садат се помалку домати. „Пазарот со домати ескалира. Некои добавувачи веќе најавија дека ќе мора да ги намалат испораките до клиентите“, изјави веледрогеријата Ото Франк за германските медиуми, пишува Fenix Magazine.
Се пренаменуваат бројни обработливи површини во Италија каде се саделе домати.
„Површината каде што се садат домати во Италија опаѓа за околу 10 отсто, делумно поради тоа што земјоделците се одлучуваат за други култури“, рече Андреас Рајмер, извршен директор на германската компанија за конзервирање Хенгстенберг.
Во моментов, повеќето житни култури се засадени за да може да се произведе основна храна како леб и тестенини. „Ќе има значително зголемување на цената на конзервираните домати што ќе треба да ги пренесеме на трговците на мало“, продолжува Рајмер.
Цената на сировите домати од северна Италија е веќе за 18 отсто повисока од лани. Зголемување на цените најави и италијанскиот производител Mutti.
