Јуст Клајн, овогодинешниот претставник на Холандија на Евровизија, кој беше дисквалификуван на денот на финалето, ги покрена гласините за враќање на музичкиот натпревар следната година.
По настапот на популарниот холандски фестивал „Пинкпоп“ пред неколку дена, многу фанови се прашуваа дали Јуст ќе се врати на Евровизија следната година, бидејќи тој изјави: „Зошто да не 2025 година?
Тој со објави на Инстаграм навести и дека има шанса да се врати на евровизиската сцена. Во описот на својот профил стави „Евровизија 2025“, а името на својот канал за емитување го смени од „Евровизија 2024“ во „Евровизија 2025“.
Меѓутоа, холандската телевизија АВРОТРОС сè уште не го потврдила своето учество на Евровизија 2025 година во Швајцарија.
Сега се премислуваат за учество на Евровизија поради дисквалификацијата на Јуст. На почетокот на овој месец, телевизијата јасно стави до знаење дека сака независна истрага за овогодинешниот натпревар и промените во организацијата. Додека тоа не се реши, нивното учество е на чекање.
