Снимките од земја и од воздух направени во април годинава прикажуваат неверојатна битка на небото над јужна Украина, пишува Форбс. Во сцена која потсетува на Првата светска војна, пропелерот Јаковлев Јак-52, кој наводно му припаѓа на украински летечки клуб, маневрирал околу рускиот извидувачки дрон Орлан, додека војник на задното седиште во авионот пукал кон дронот од автоматска пушка.
Дронот се спуштил со помош на автоматски падобран, што е знак дека претрпел штета. Два месеци подоцна, јасно е дека ваквата битка не била единствена. Друго видео стана вирално на Интернет во саботата, прикажувајќи воздушна битка помеѓу руски извидувачки дрон ЗАЛА и украински авион Јак-52. Ова видео е снимено со дрон.
Ова видео потврдува дека украинските војници на задните седишта на Јак-52 навистина пукаат во руските дронови.
Некои набљудувачи шпекулираат дека овие авиони за обука од 70-тите години на минатиот век пукаат во беспилотните летала од оружје што се наоѓа под крилата на авионот. Сепак, италијанскиот експерт за воздухопловство Дејвид Денчиоти нагласува дека многу малку од овие авиони се модифицирани за да носат оружје под крилата. Дополнително, авионите „Јак“ извршуваат „бавно пресретнувачки“ мисии.
Овие мисии вклучуваат воени или полициски авиони – често хеликоптери – кои пресретнуваат и летаат покрај бавните цели во контролираниот воздушен простор за да ги идентификуваат и да утврдат дали претставуваат закана.
Американската крајбрежна стража често извршува вакви мисии над Вашингтон за да спречи можни терористички напади, но и да ги придружува цивилните пилоти кои понекогаш скршнуваат од патеката и случајно се приближуваат до Белата куќа или до зградата на Капитол.
Најважната карактеристика на леталото во овие мисии е малата брзина, објаснува Денчиоти. Но, исто така им помага на пресретнувачите да имаат повеќе од еден член на екипажот. Лицето на задното седиште може да се обиде да комуницира со пилотот на пресретнатиот авион или, во случај на италијански хеликоптери, да пука во авионот ако се покаже дека е реална закана.
Ако Украинците навистина ги користат нивните Јак-52 на начинот на кој Италијанците и Американците ги користат нивните пресретнувачи, тие можат да летаат над ранливите градови како Одеса и да чекаат копнени радари да ги насочат кон потенцијалните руски беспилотни летала.
Јак-52 ѝ се приближува на цел која бавно лета. Екипажот потврдува дека се Руси. Војникот на задното седиште нишани. Тоа е безбеден и евтин начин за одбрана од стотиците руски извидувачки беспилотни летала кои летаат над Украина секој ден.
Тоа е побезбедно и поевтино отколку да се испрати суперсоничен авион Mikoyan MiG-29 кој може да се урне додека се обидува да сними бавен дрон.
