Францускиот претседател Емануел Макрон најави распуштање на Националното собрание по лошите резултати на изборите за Европскиот парламент. Изборите ќе се одржат на 30 јуни и 7 јули.
– Ова е подобро од сите аранжмани, од сите несигурни решенија. Верувајте во Франција, да ја обликувате иднината и да не се повлекувате. Ја добив вашата порака и нема да остане неодговорена. Знам дека можам да сметам на вас иако јас сум единствениот политички лидер во моментов без ограничувања, на Франција ѝ треба јасно мнозинство, да се биде Французин значи дека сте избрале да пишувате историја, а не да трпите – рече Макрон.
Европскиот парламент вечерва ја објави првата проценка на резултатите од гласањето во Франција, каде „Националниот собир“ предводен од Мари Ле Пен и Џордан Бардел освои 31,5 отсто од гласовите. Партијата на Емануел Макрон освои 15,2 отсто од гласовите.
