„Гаспром“ веројатно нема да може да ја врати загубата на продажбата на гас од прекинот на испораката на гас во Европа поради војната во Украина, барем во следната деценија, покажува студијата нарачана од менаџментот на руската енергетска групација.
Според студијата, извозот на руската компанија во Европа во просек ќе биде од 50 до 75 милијарди кубни метри годишно до 2035 година, што е околу една третина од нивото пред војната.
„Гаспром“ се надева дека новиот гасовод до Кина ќе помогне да се надомести изгубениот обем на европскиот извоз, но цените на гасот во Азија се пониски од европските. дополнително договор за изградба на гасоводот не е постигнат.
според планираното гасоводот ќе има капацитет од околу 50 милијарди кубни метри годишно.
„Главните последици од санкциите за Гаспром и енергетската индустрија се намалувањето на извозот, кој ќе биде вратен на нивото од 2020 година најрано во 2035 година“, наведуваат авторите на документот.
Студијата нагласува како санкциите ја исклучија руската енергетска индустрија од клучните технологии како што се турбините кои помагаат да се движи гасот низ гасоводот. Проблем, како што се наведува, се и резервните делови и вештачењето што е потребно за санирање на дефектите во гасоводите.
