Поранешната лична асистентка на раперот и дизајнер Канје Вест тврди дека добила отказ, откако тој ѝ испратил „одвратни сексуални пораки и видеоснимки“.
Лорен Писиота во тужбата против Канје Вест тврди дека била модел на платформата за возрасни ОнлиФенс (OnlyFans) и објавувала фотографии од бикини и долна облека и дека на овој начин заработувала добри пари – околу милион долари годишно.
Канје Вест ја вработил во јули 2021 година. Лорен била ангажирана на неговата модна линија „Јези“ и тогаш се запознале. Таа вели дека соработувала со него и на три песни на неговиот албум „Donda“.
Една година подоцна, Лорен вели дека Вест дошол кај неа и побарал да го избрише нејзиниот профил на ОнлиФенс, наводно, раперот ѝ ветил дека ќе ѝ плаќа милион долари годишно ако го направи тоа. Лорен вели дека се согласила на тоа.
Таа тврди дека набргу по договорот, Канје почнал да ѝ праќа низа СМС-пораки кои таа ги објави јавно.
Лорен, меѓу другото, тврди дека Канје мастурбирал во текот на телефонските разговори со неа и прашувал дали може да слушне или да погоди што прави тој. Таа додава дека тој постојано ја прашувал за големината на половите на нејзините момчиња.
Според тужбата, раперот ѝ испратил бројни СМС-пораки и сексуални видеа и фотографии, вклучувајќи најмалку две видеа на кои Канје има секс со манекенка, пишува американскиот портал ТМЗ.
