Национално единство за прашања кои се важни за државата, ВМРО-ДПМНЕ е стожер на Македонија, порачаа од најголемата опозициска партија во Македонија.
„Кога се во прашање националните интереси ВМРО-ДПМНЕ е за заедништво и национално единство. Кога треба да се заштитат интересите на Македонија сите партии ја имаат поддршката на ВМРО-ДПМНЕ. Македонија е наш заеднички дом, а кога е во прашање нашиот заеднички дом, сите мора да го чуваме. Затоа го повикуваме и Димитар Ковачевски да не стои наспроти народот, туку да застане во одбрана и на линија на црвените линии на Македонија“, велат од ВМРО-ДПМНЕ.
Сепак, од партија им порачаа на своите политички противници, да не се лажат дека тие им даваат поддршка, туку дека иднина ќе се соочат со „одговорност за криминалот што го направиле во текот на владеењето“.
