Синоптичарите за денеска ни најавуваат сончево и топло со умерена облачност. Ќе дува слаб до умерен, повремено и засилен ветер од јужен правец.
Од УХРМ велат дека во попладневните и вечерните часови ќе има локална појава на пороен дожд и грмежи. На некои места процесите ќе бидат во форма на невреме со интензивен пороен дожд, силен ветер и изолирана појава на град.
Минималната температура ќе биде во интервал од 11 до 18, а максималната ќе достигне од 27 до 34 степени.
Во Скопје сончево и топло со мала до умерена облачност и слаб до умерен ветер од јужен правец. Попладне и во вечерните часови во делови од колината нестабилно со пороен дожд, грмежи и засилен ветер.
Минималната температура ќе се спушти до 16, а максималната ќе достигне до 31 степен.
Во наредните денови времето ќе биде сончево и топло со мала до умерена облачност и со слаб до умерен ветер, во вторник од западен, а потоа од северен правец. Во попладневните часови ќе има услови за ретка појава на пороен дожд и грмежи.
