Венеција од денеска воведе забрана за мегафони и ја ограничи големината на туристичките групи на 25 луѓе за да го ограничи влијанието на прекубројните туристи.
Претходно беше воведена такса од пет евра дневно за туристит, а од 2021 година е забрането влегување на големите бродови во градското пристаниште.
Промените на туристичките правила доаѓаат откако експерти на УНЕСКО минатата година предупредија дека Венеција би можела да биде додадена на листата загрозени места на културно наследство, бидејќи влијанието на климатските промени и масовниот туризам се закануваат да предизвикаат неповратни промени на градот.
Прекумерниот туризам се смета за еден од најголемите проблеми за Венеција, која има популација од околу 250.000 луѓе, а во 2019 година имала повеќе од 13 милиони посетители.
