Американскиот хокеар Лиам Стјуарт, син на познатиот музичар Род Стјуарт и на супермоделот Рејчел Хантер, ќе се ожени со Никол Артуковиќ во Дубровник.
Познатиот пејач Род Стјуарт вчера пристигна во Хрватска по повод венчавката на синот.
Свадбата е во Дубровник, каде Род и сопругата Пени Ланкастер беа фотографирани како уживаат во чаша вино пред да се упатат на приемот. На приемот, мајката на Лиам, поранешната сопруга на пејачот Рејчел Хантер, била видена како разговара со Род и Пени.
Лиам Стјуарт ќе се ожени со својата долгогодишна партнерка Никол Артуковиќ, чие семејство е по потекло од Конавал и Херцеговина.
„Дубровачки весник“ пишува дека Никол и Лиам ќе приредат забава за добредојде во Палм Гарден, терасата на луксузниот хотел со поглед на градот. На оваа локација чести се летните забави, свадби и концерти.
По црковната церемонија, младенците и гостите ќе се искачат на тврдината Ловренац, каде е предвидена забава до два часот по полноќ. Се очекува гостите да следат свечен кодекс на облекување, но младенците им посочиле на гостите дека треба да совладат приближно 250 скали, а особено ги предупредиле гостите да избегнуваат високи потпетици.
Никол Артуковиќ со години летува во Хрватска, од каде што, претходно открила, нејзините баба и дедо избегале во Америка.
Во Хрватска купила и венчаница со потпис на Александра Дојчиновиќ. Таа во 2020 година го донесе и Род Стјуарт во Хрватска на летен одмор. Целото семејство помина една недела во посета на Хвар, Дубровник и Крк.
Лиам и Никол лани станаа родители, добија син.
Фотографиите можете да ги погледнете ТУКА.
