Принцезата Кејт, која во март откри дека боледува од карцином, сега многу подобро го толерира лекот што го добива во текот на процедурата на превентивна хемотерапија, пренесува „Венити фер“.
„Тоа беше големо олеснување што ги толерира лековите и што и е навистина многу подобро“, се вели во соопштението.
„Тоа беше, се разбира, многу предизвикувачко и загрижувачко време. Сите се собраа околу неа – Вилијам, нејзините родители и сестрата и братот“, велат изворите.
По наводното сознание дека принцезата на Велс била надвор со семејството во последните денови додека го продолжува третманот на превентивна хемотерапија, се појавија шпекулации и кога Кејт ќе им се врати на официјалните обврски.
Иако постојат индикации што укажуваат дека Кејт може да се врати наесен, палатата и кралските инсајдери потенцираат дека официјалниот датум на враќање сè уште не е испланиран.
