На 96-годишна возраст почина композиторот на песни од филмовите на компанијата „Дизни“, Ричард Шерман, соопшти компанијата „Дизни“.
Шерман наводно починал во болница во Беверли Хилс, Калифорнија.
Ричард Шерман, заедно со неговиот покоен брат Роберт, кој ги пишуваше текстовите на песните, беше меѓу најфалените и најплодните креатори на филмска музика.
– Од филмови како „Мери Попинс“ и „Книгата за џунглата“ до атракции како „Тоа е мал свет“, музиката на браќата Шерман ги освои срцата на генерации публика. Засекогаш сме благодарни за белегот што Ричард го остави на светот и му изразуваме најдлабоко сочувство до неговото семејство – изјави извршниот директор на „Дизни“, Боб Ајгер.
Тие имаат напишано повеќе од 200 песни и девет пати биле номинирани за Оскар, освојувајќи два Оскара и три Греми награди.
Роберт Шерман почина во 2012 година.
