Сто дваесет и четири заболени од ковид-19 се регистрирани во последните 24 часа, соопшти денеска Министерството за здравство.
Направени се 1.798 тестови, а новите случаи се во Скопје – 67, Битола – 24, Прилеп – 8, Охрид – 5, Берово – 4, Тетово и Кичево по 3, Куманово – 2, Кавадарци, Велес, Гостивар, Струмица, Кочани, Ресен, Делчево и Кратово по 1.
Од вкупниот број позитивни, регистрирани се 22 реинфекции. Регистрирани сe 114 оздравени пациенти.
Досега во земјата се дијагностицирани 309.434 лица, бројот на оздравени пациенти е 299.653, на починати е 9.278, а бројот на активни случаи изнесува 503. Во Скопје има 266 активни случаи, а во 13 градови нема ниту еден заболен.
