Холивудската актерка Софија Вергара неодамна имаше операцијата на коленото. Цело време покрај неа беше нејзиното ново момче, ортопедскиот хирург Џастин Салиман.
Атрактивната Софија сега покажа како закрепнува по операцијата и воедно ја покажа лузната од операцијата.
„Овде се ужива“, напиша Софија Вергара (51) покрај фотографијата која ја сподели на социјалните мрежи, а во преден план е лузната на нејзината нога која неодамна ја оперираше. Актерката во средината на април откри дека имала операција на коленото и дека потоа следува период на опоравување.
На фотографијата се гледа лузната од операција на коленото, а некои обожаватели забележале дека е во форма на насмеано лице.
Многумина ѝ посакаа брзо закрепнување.
Инаку, таа неодамна покажа како се опоравува од операцијата на коленото. Таа се пофали и со подароците што ги добила, но не откри зошто го оперирала коленото.
Таа носела апарат на коленото што се користи за терапија по операција. Апаратот користи ладен воздух за да му помогне на повреденото место да закрепне што е можно побрзо.
Софија откри и дека за неа сега се грижи нејзиното ново момче, ортопедскиот хирург Џастин Салиман.
„Ако некогаш имате сериозна операција на коленото, погрижете се да имате згоден лекар кој ќе спие со вас таа вечер“, напиша актерката.
