Во експлозија во воена база во Камбоџа загинаа 20 луѓе, а беа оштетени бројни објекти во близина, објави Sky News.
Воената база Кампонг Спеу се наоѓа на југозапад од споменатата земја во Југоисточна Азија, а покрај 20-те загинати војници, ранети се и неколку други. Според Sky News, најмалку 25 куќи во близина на базата биле оштетени, додека четири згради и неколку возила биле оштетени во самата воена база.
По експлозијата војската ги затворила сите приоди кон базата, додека мештаните се засолниле на побезбедни места. Не е неважно и тоа што во провинцијата каде што се случи експлозијата највисоката температура во неделата изнесуваше 39 степени.
Камбоџанскиот премиер Хун Манет изјави дека е шокиран по веста за експлозијата, изразувајќи сочувство до семејствата на загинатите војници. Тој вети и дека државата ќе ги плати нивните погреби и ќе им даде отштета на семејствата на загинатите и ранетите.
