Масовна излезност на 8 мај и недвосмислена поддршка за ВМРО-ДПМНЕ ќе бидат сила за коренити промени и враќање на Македонија на народот, порача партијата на Христијан Мицкоски преку соопштение.
„Поразот на власта е катастрофален. СДСМ изгуби повеќе од двојно на 24 април, потребно е на 8 мај победата на ВМРО-ДПМНЕ да биде уште поголема. Големата победата ќе отвори пат за влада без уцени. Големата победа ќе потопи секакви надежи на Ковачевски кој на Ахмети му ветува и премиер, само за да владее некако. Ковачевски го потценува народот. И не сфаќа дека поразот кој го претрпе, се должи и на тоа што државата ја даде на тацна на бандитите од ДУИ. Масовната излезност и поддршката за ВМРО-ДПМНЕ ќе ги испрати СДСМ и ДУИ во опозиција, и ќе отвори пат за економска трансфромација на Македонија. Време е државата да ја вратиме во рацете на народот. Македонија повторно твоја“, се вели во соопштението.
