Бањата е место каде што се релаксираме и освежуваме, но за жал може да стане и идеална средина за формирање на мувла.
Експерти од една британска компанија која се занимава со заштита од влага за британскиот медиум express.co.uk ги открија грешките кои многу луѓе ги прават после туширање и како тоа може да доведе до досадна мувла во бањата.
1. Влажни крпи
Крпите кои се оставени во бањата и се уште се влажни се идеална почва за мувла.
„Кога ќе престанете да користите крпи, оставете ги да се исушат на добро проветрено место за да спречите формирање на мувла“, советуваат експертите.
2. Лоша вентилација
Ако нема доволно вентилација во бањата, мувлата може побрзо да се развие на ѕидовите и прозорците. Без соодветен проток на воздух за време или после туширање, влагата може да се зароби во просторијата, создавајќи поволна средина за раст на мувлата. Затоа, неопходно е да се вентилира бањата по туширање.
3. Предолго точење топла вода
Иако се чини дека долгото туширање со топла вода може да биде смирувачко и релаксирачко, експертите предупредуваат дека оваа практика може да биде придружена со некои непријатни последици. Покрај тоа што ќе ви ја зголеми сметката за вода, оваа навика може да предизвика појава на мувла во вашата бања.
4. Не бришете површини по туширање
Површините како што се стаклото, плочките и кадата мора темелно да се исушат по туширањето. Влагата оставена на овие површини може да предизвика формирање мувла. Посочените површини во бањата се препорачува да се избришат после туширање.
5. Затворена врата од туш кабината
Оставањето на вратата за туширање затворена после туширање ја задржува влагата, создавајќи идеална средина за мувла да напредува и да се шири. „Ова може да предизвика непријатни мириси, непријатни црни точки, па дури и потенцијална опасност по здравјето“, велат експертите. Затоа, по туширањето, оставете ја вратата од тушот отворена за да овозможи воздухот да циркулира и влагата брзо да испари.
