Малопродажната цена на дизелот од полноќ се намалува за 1,5 денари за литар, а бензините поскапуваат за еден до 1,5 денари за литар, информира Регулаторната комисија за енергетика.
Со одлуката се врши намалување на малопродажните цени на нафтените деривати во просек за 0,09 отсто.
Малопродажните цени на дизелот и на „екстра лесното масло за домаќинство“ се намалуваат за 1,5 денари за литар и ќе изнесуваат по 76 денари за литар.
Малопродажната цена на бензинот „еуросупер-95“, пак, се зголемува за 1 денар за литар и ќе изнесува 87,5 денари за литар, додека малопродажната цена бензинот „еуросупер-98“ се зголемува за 1,5 денари за литар и ќе биде 90 денари.
Со одлуката на РКЕ за 0,252 денари за килограм се зголемува и малопродажната цена на Мазутот М-1 НС и ќе изнесува 44,554 денари.
