Манчестер Сити жестоко славеше во мај минатата година, откако беше потврдена тројната круна, а особено откако конечно беше освоена Лигата на шампионите.
Но, фактот дека сезоната беше сè само не лесна, потврдува и одличната документарна серија на Нетфликс, преку која целата сезона беше проследена до срж.
Тишина во соблекувалната, лут Пеп
Меѓу најинтересните детали секако се обраќањата на Гвардиола до играчите во соблекувалната, од кои во шест епизоди беа прикажани доволен број за да се добие некоја слика за тоа како изгледа.
Една од поинтересните се случи по поразот во четвртфиналето на Купот на ЕФП на гостувањето кај Саутемптон.
Гвардиола потоа мораше да делува на играчите кои го одиграа најлошиот натпревар во сезоната во средината на јануари, кога всушност започнува најважниот дел од сезоната.
„Луѓето немаат парно за да платат, а дојдоа овде“
„Дали мислите дека ова е нормално? Начинот на кој играше? Дали мислите дека тоа е нормално? На луѓето кои дојдоа, кои немаат пари дома да платат парно, а дојдоа да не придружуваат овде. Ако играш така, дали е тоа нормално? Леле! Мојот тим не е таков, ќе има проблеми. Спорт, живот, говор на телото. Како му пристапувате на животот, како им пристапувате на натпреварите. Тоа е говор на телото“, рече Гвардиола среде тишината во соблекувалната и додаде:
„Сакате топка, сакате да се движите, сакате да се борите? Дали сакате да се борите меѓу себе? Како браќа? Спуштете се на земја, работете понапорно, бидете подобри, бидете скромни, бидете амбициозни. Во спротивно, академијата е подготвена“.
По овој натпревар Сити влезе во криза, па во следните три недели доживеа првенствени порази од Манчестер Јунајтед и Тотенхем, но во февруари почна серијата која доведе до тројната титула.
Како изгледаше сè во Градот можете да видите на Нетфликс, а овој споменат говор под текстот.
