Речиси 8,3 милиони луѓе би можеле да ја напуштат Украина оваа година, соопштија во вторникот ОН, повикувајќи да се собере двојно повеќе хуманитарна помош за оние во земјата што Русија ја нападна на 24 февруари.
Нешто повеќе од 5,2 милиони луѓе веќе ја напуштиле Украина, според ОН.
УНХЦР, кој очекуваше 4 милиони бегалци на почетокот на војната, бара помош од 1,85 милијарди американски долари за своите активности и за активностите на своите партнери за помош на луѓето кои бегаат од војната.
Ревидираната проценка на очекуваниот број бегалци е „утврдена во соработка со властите и соседните земји, но важно е да се запамети дека ситуацијата е многу динамична“, изјави за новинарите во Женева портпаролката на УНХЦР, Шабија Манту.
ОН во вторникот повика да се собере двојно повеќе помош за 8,7 милиони раселени луѓе во Украина, за вкупно 2,25 милијарди долари.
„Сега се потребни повеќе од 2,25 милијарди долари за да се задоволат потребите на Украина, што е повеќе од двојно повеќе од сумата (1,1 милијарда долари) побарана на 1 март, неколку дена по почетокот на војната“, соопшти Канцеларијата за хуманитарни прашања на ОН. (OCHA).
Повикот, кој првично траеше три месеци, е продолжен за уште три месеци, до август.
Бројот на луѓе на кои им е потребна хуманитарна помош во Украина исто така се зголеми од 12 на 15,7 милиони.
ОН досега добија донаторска поддршка од 980 милиони долари. Ова им обезбеди помош на 3,4 милиони луѓе во Украина, според OCHA.
