Овој викенд ги поместуваме стрелките на часовникот. Од сабота до недела се префрламе на летно сметање на времето, а стрелките се движат од два до три часа, односно еден час понапред.
Летното штедење годинава започнува на 31 март во два часот по полноќ. Тогаш стрелките ќе се поместат еден час напред, па два часот ќе стане три часот наутро. Ќе спиеме еден час помалку.
Со делење на времето на летно и зимско сметање на времето подобро се користи природната сончева светлина и на тој начин се заштедува енергија.
Со поместување на раката се поместува и времето во кое струјата ќе се пресметува со поголема или помала стапка.
Досега струјата се плаќаше по повисока цена од 7 до 21 часот, а со префрлање на летно сметање на времето ќе биде од 8 до 22 часот.
Пониската тарифа порано важеше од 21 до 07 часот, а сега ќе се пресметува во периодот од 22 до 08 часот.
Ваквото броење на времето ќе трае до 29 октомври, кога стрелките ќе се поместат еден час наназад, така што три часот по полноќ ќе стане два часот по полноќ. Потоа започнува зимското сметање на времето.
Со Уредбата за летно сметање на времето, Владата утврди кога ќе важи летното сметање на времето до 2026 година.
