Стево Пендаровски само озборува и пласира невистини, поднесувањето на кандидатурата е технички процес, Гордана Силјановска Давкова имаше историски најголем одзив и поддршка од граѓаните – се вели во реакцијата на ВМРО-ДПМНЕ на објавите од тимот на Пендаровски дека Силјановска Давкова до ДИК доставила кандидатура со поддршка од 30 пратеници, но не и со потписи од 10.000 граѓани како што беше најавено.
„Свесни сме за интенцијата на Пендаровски и СДСМ да продолжат со креирање на теми кои се надвор од реалноста и ова е уште еден доказ за нивната единствена желба да го затскријат својот неуспех и пораз кој ги очекува.
Поднесувањето на кандидатурата е технички процес, професорката Силјановска Давкова имаше историски најголем одзив од граѓаните при собирањето на потписите за нејзината кандидатура и тоа е она што е најголема болка за Пендаровски и СДСМ.
Поддршка од граѓаните е јасна и недвосмислена, а СДСМ и Пендаровски во истата ќе се уверат на 24 Април и 8 Мај. Му препорачуваме на Пендаровски барем во неговите последни денови од мандатот да ја напушти неговата најсилна карактеристика – озборување и пласирање на невистини во јавноста“ – се вели во реакцијата на ВМРО-ДПМНЕ.
