Украинските сили за противвоздушна одбрана соборија 18 непријателски беспилотни летала Шахед-131/136 со кои Русија повторно ги нападнала Одеса и регионот, објави претседателот на Регионалната воена управа на Одеса, Олег Кипер, во апликацијата Телеграм.
За среќа нема цивилни жртви, прецизира регионалниот гувернер. Тој вели дека руските терористи повторно предавнички ги насочиле беспилотните летала кон населени места и индустриски локации во крајбрежната зона.
– Маневрите на беспилотните летала во станбени области ја отежнаа функцијата на силите за противвоздушна одбрана. Паѓаа фрагменти од соборените беспилотни летала кои оштетија гасовод и станбени згради во приватниот сектор во областа Одеса – истакна Олег Кипер.
