Бојан Маричиќ, прв заменик на претседателот на Владата на Македонија задолжен за европски прашања, дојде да се потпише за претседателската кандидатура на Стево Пендаровски со службно возило, пишува Курир.мк.
Од видеото може да се види како тој со службено возило пристигнува, а неговиот шофер му ја отвора вратата од возилото за да излезе.
„Во неработен ден тој користи државни ресурси платени од граѓаните. Оттука добро е да одговори Државната комисија за спречување и борба против корупцијата што мисли за овој случај? Според кои европски практики Маричиќ злоупотребува државни ресурси платени од граѓаните“, прашува ВМРО-ДПМНЕ.
