Русија соопшти дека е подготвена да и ги предаде на Украина телата на жртвите кои загинаа при соборувањето на рускиот воен авион во јануари.
Москва го обвинува Киев дека е одговорен за соборувањето на авионот Ил-76 во рускиот регион Белгород, при што загинаа 74 лица, вклучително и 65 заробени украински војници кои требало да бидат разменети.
Украина ниту потврди ниту демантираше дека го соборила авионот, но ги доведува во прашање руските тврдења за тоа кој бил во авионот, според Ројтерс.
Руската комесарка за човекови права Татјана Москалкова изјави дека е во контакт со украинските власти во врска со предавањето на телото.
