Сепак, телото на починатиот руски опозициски лидер Алексеј Навални и е предадено на неговата мајка, соопшти прес-претставничката на Навални, Кира Јармиш.„Телото на Алексеј Навални е предадено на неговата мајка. Благодарам на сите што го поддржаа тоа барање“, објави на социјалните мрежи портпаролката на Навални, Кира Јармиш.Таа додаде дека Људмила Навална, мајката на починатиот руски опозиционер, се уште е во Салехард. Се уште не се знае кога ќе биде погребот, најави таа. Како што рече таа, се уште постои можност руските региони да се мешаат во организацијата на погребот, како што сака семејството на починатиот Алексеј Навални.
Људмила Навална во четвртокот објави дека властите и дозволиле да ги види посмртните останки на нејзиниот син, но не и го предале. Во исто време ги обвини дека се обидуваат да ја натераат тајно да го закопа нејзиниот син.
Телото на Алексеј Навални и беше предадено на мајка му од руските власти на денот кога светот ја одбележува втората годишнина од рускиот напад врз Украина.
Навални почина минатата недела додека отслужуваше 19-годишна затворска казна во затвор на крајниот север на Русија. Причината за неговата смрт се уште не е официјално позната. Многу западни земји одговорноста за неговата смрт му ја препишуваат на Путин.
