Во текот на ноќта и изутрината Русија со проектили ги нападна речиси сите делови на Украина. Нападите се случија во неколку региони во исто време, а од некои од нив има извештаи за загинати.
Цела Украина беше цел на големи руски ракетни напади синоќа и рано наутро, а општа готовност за напад беше поставена низ целата земја повеќе од два часа.
Во градот Лавов на западот на Украина цел на нападот бил инфраструктурен објект, оштетено е и училиште. Само кон овој регион беа истрелани вкупно десет ракети, напиша градоначалникот на Лавов, Андриј Садовиј на платформата за пораки Телеграм. Две лица се повредени.
Нападот бил пријавен и од областа Запорожје на југоистокот на земјата, при што едно лице е повредено, а еден инфраструктурен објект е оштетен.
Гувернерот на областа Харков во североисточна Украина, Олег Синегубов, објави дека 67-годишна жена е убиена во ракетен напад врз градот Чугујив. Според dpa, регионот Харков на границата со Русија е цел на напади, како ракетни, така и артилериски и беспилотни летала, практично секој ден.Експлозиите биле пријавени и од регионите Хмелницки, Полтава и Дњепропетровск, каде според првичните податоци нема жртви или повредени.
Целата земја беше во состојба на готовност за воздушен напад повеќе од два часа
Според градските власти во Киев, цитирани од француската новинска агенција АФП, предупредувањето за воздушен напад било во сила повеќе од два часа во главниот град, но противвоздушната одбрана ги уништила сите непријателски проектили насочени кон градот.
Денеска цела Украина беше во општа готовност поради воздушен напад повеќе од два часа откако украинската армија предупреди дека група бомбардери полетала од база на крајниот север на Русија. По неколку часа, општата тревога беше откажана, а украинските воздухопловни сили на Телеграм напишаа дека ракетната закана е завршена.
Полетувањето на руските стратешки бомбардери веќе беше пријавено од Украина во јануари и почетокот на февруари. На крајот на декември минатата година Русија изврши бран напади со вакви воени авиони во украинските градови, вклучувајќи го и главниот град Киев, во кои загинаа 39 лица.
