Шарл Леклер – цитираме – е „шокиран и разочаран“ од веста за доаѓањето на Луис Хамилтон во Ферари, пишува италијанскиот „Кориере дело спорт“.
Овој весник, повикувајќи се на извори во „Скудерија“, наведува дека младиот возач е потресен од веста за промените во тимот, за кои не знаел ништо до последен момент.
Хамилтон и Ферари: Детскиот сон или голема грешка?
„Кориере“ наведува и дека штабот на Леклер е загрижен оти Хамилтон би можел да ја добие улогата на прв и привилегиран возач во тимот, но истакнуваат дека ниту самиот возач, ниту неговите блиски соработници во наредниот период нема да се огласат во врска со веста, која дефинитивно го потресе мото спортот.
Леклер неодамна го продолжи договорот со Ферари на неопределено време, иако во јавноста се појавија неофицијални информации дека соработката е потпишана на уште три сезони. Во 2019 година тој се приклучи на италијанскиот тим од Заубер и го освои четвртото, осмото, седмото, второто и петтото место на шампионатот.
Веќе оваа сезона ќе настапува во тандем со Карлос Саинц, а од 2025 година ќе ја дели ложата со седумкратниот светски шампион.
