Разрешувањето на директорот на АД Пошта, Јани Макрадули е поради намерата за подобрување на состојбите во компанијата и јакнење на капацитетите, известија денеска од Влада на Република Македонија.
„Владата му препорача на надзорниот одбор на Пошта на Северна Македонија да го разреши Јани Макрадули заради подобрување на состојбите во компанијата и јакнење на капацитетите на менаџментот“, одговори портпаролот на Владата, Душко Арсовски.
На прашање на ТВ21, дали разрешувањето на Макрадули има некаква врска со случајот на поранешниот секретар на Влада Мухамед Зекири, Арсовски истакна дека може само да го повтори истото што го кажал претходно.
