Со In Memoriam синоќа започна квизот „Chase“. Се прикажуваше шоуто кое се снимаше минатата година, во јуни, а натпреварувачот Александар Ивковиќ почина во ноември. На екранот, во спомен на натпреварувачот, во студиото се појави пораката „In memoriam“. Александар Ивковиќ 1974 – 2023.’.
Блиц јавува дека РТС побарала согласност од семејството да ја емитува оваа епизода.
На официјалната страница на квизот се појави видео на кое Александар Ивковиќ со своето знаење ги остави без зборови водителот Јован Мемедовиќ и трагачот Милорад Милинковиќ.
„Ги надминавте сите очекувања“, рече Мемедовиќ, додека трагачот додаде: „Ова навистина одамна не сум го видел, всушност не знам дали некогаш сум го видел“.
Блиц наведува дека Ивковиќ починал на 48-годишна возраст од тешка болест. Во квизот тој откри дека потекнува од Ивањица и дека има диплома по историја, откако дипломирал на Филозофскиот факултет во Белград. Работел како учител најпрво во гимназијата, а потоа и во основното училиште. Во квизот стигна до самиот крај, со уште двајца играчи.
