Цените на природниот гас во Европа во вторникот се стабилизираа на најниско ниво за повеќе од две години благодарение на обилните резерви и благата зима.
Во вторникот наутро, мегават час гас со рок на испорака од еден месец изнесуваше 29,7 евра на референтната холандска дигитална платформа. Во понеделникот падна под нивото од 30 евра за прв пат од почетокот на 2022 година.
Аналитичарите укажуваат на релативно изобилство на увезен течен природен гас и полни магацини благодарение на благата зима. Во Германија во саботата биле полни 83,80 отсто.
На почетокот на минатата година неговата цена беше околу 79 евра за мегават час, за накратко да надмине 57 евра во октомври, бидејќи конфликтот во палестинскиот Појас Газа ја подгреа загриженоста за снабдување. Оттогаш бележи надолен тренд.
Во август 2022 година достигна 277 евра поради намаленото снабдување со гасоводи од Русија. Во меѓувреме, Норвешка стана главен снабдувач на гас во Европа.
