Полициски службеници на Државната агенција за истраги и заштита (СИПА) вчера (15.01.2024 година) приведоа едно лице на подрачјето на Сараево, врз основа на меѓународна потерница на Интерпол.
Меѓународната потерница е распишана од НЦБ Интерпол на Република Србија со цел наведеното лице да го лиши од слобода и да го екстрадира во Србија за гонење за сторено кривично дело „Недозволено преминување на државната граница и обид за криумчарење луѓе“.
„По оперативни сознанија, полициски службеници на СИПА – оперативен тим „Фаст“ го лоцирале наведеното лице на подрачјето на Сараево, по што истиот бил лишен од слобода и приведен во просториите на СИПА. Лишувањето од слобода е извршено врз основа на меѓународна соработка со Министерството за внатрешни работи на Република Србија“, се вели во соопштението.
Лицето лишено од слобода е предадено на Судот на Босна и Херцеговина за понатамошна постапка во законскиот рок.
