Актерот Џејсон Момоа (44) неодамна се разведе од поранешната сопруга Лиза Бонет, со која се раздели пред три години, а сега откри дека живее на улица.
– Во моментов немам дом воопшто. Живеам на улица – изјави Момоа за „Ентертејмент тунајтс“. Актерот работи на снимањето на документарната серија „On The Roam“ во која патува низ САД и се среќава со уметници, спортисти и музичари.
– Секогаш сум на некои чудни места – додал тој, па потоа рекол дека на луѓето им е чудно кога ќе го видат во нивните мали градови.
Неговата документарна серија ќе има премиера на 18 јануари на ХБО Макс. Џејсон откри дека во иднина ќе продолжи да живее номадски начин на живот бидејќи наскоро ќе патува во Нов Зеланд за да го снима „Minecraft“.
Да потсетиме, Лиза Бонет во понеделникот поднесе барање за развод, а ден потоа се спогодија за старателството и алиментацијата. Тие се договориле дека ќе го делат старателството над двете деца и нема да одат на суд. Двојката раскина во 2020 година, но дури две години подоцна јавно објавија дека се разделуваат. Лиза и Џејсон ја започнаа својата врска во 2005 година, а се венчаа во 2017 година.
