Објавена е и последната, петта по ред серија њујоршки судски документи во случајот Џефри Епштајн, со одлука на судијката на окружниот суд во Њујорк, Лорета Преск, решавајќи по тужба на Вирџинија Јуфре од 2015 година, една од жртвите на Епштајн во неговиот синџир за трговија со луѓе.
Милијардерот Џефри Епштајн (66) беше обвинет за педофилија и организирање педофилска мрежа и трговија со луѓе, но не се соочи со судење бидејќи беше пронајден мртов во затворска ќелија во 2019 година.
Десетици жени го обвинија Епштајн дека ги принудил да пружаат сексуални услуги за него и неговите гости на неговиот приватен остров на Карибите и во домовите во Њујорк, Флорида и Ново Мексико.
Објавените судски записи вклучуваат транскрипт од сведочењето на Епштајн од 2016 година, во кое тој постојано се повикува на правото на петтиот амандман на американскиот устав против самоинкриминација, објави Би-би-си.
Меѓу 1.400 страници документи се и изјавите на Џефри Епштајн и неговата поранешна партнерка Џилијан Максвел, која моментално отслужува 20-годишна затворска казна за вмешаност во злосторствата на американскиот финансиер.
Адвокатот на жртвата го прашал Епштајн дали на Вирџинија Јуфре ѝ било кажано да даде „детален извештај“ за нејзините наводни принудни сексуални средби со моќни мажи како што е британскиот принц Ендрју.
За време на понатамошното сведочење, Епштајн е прашан дали наводниот „детален извештај“ бил наменет да се користи како „материјал за уцена“. Епштајн одби да одговори на секое поставено прашање, велејќи „петти (амандман)“ повеќе од 500 пати.
Џефри Епштајн, исто така, одби да каже дали ја познава Гилејн Максвел.
Вирџинија Јуфре претходно го обвини Епштајн дека трипати ја продавал на војводата од Јорк. Новите документи од нејзиното сведочење открија дека таа наводно била платена од 10 илјади до 15 илјади за една средба со принцот.
Покрај принцот Ендрју, Јуфре тврдеше дека била принудена да има сексуални односи со професорот по право на Харвард, Алан Дершовиц, шефот на Викторија, Сикрет Лекс Векснер, милијардерот Глен Дабин, поранешниот американски пратеник за мир, Џорџ Мичел и неименуван премиер. Сите споменати ги отфрлија обвинувањата, пишува Би-Би-Си.
Објавените документи ги содржат имињата на многу јавни личности кои биле на списокот на познаници на Џефри Епштајн, вклучувајќи ги и двајцата поранешни американски претседатели, Бил Клинтон и Доналд Трамп, иако ниту еден не е обвинет за нешто незаконско.
ФОТО: EPA / JASON SZENES
