Од април 2024 година до октомври 2024 година ќе биде воспоставена директна авионска линија меѓу Мостар и Белград. Ова го потврдија од аеродромот во Мостар.
„Ер Србија е избрана на јавен повик за воспоставување редовни летови за 2024 година како авиокомпанија што ќе врши директни летови на релација Мостар – Белград – Мостар“, беше соопштено.
„Линијата ќе биде достапна од крајот на април до крајот на октомври со можност за продолжување. Деновите кои се предвидени за летови се – понеделник, петок и недела“, изјавија за Bljesak.info од аеродромот во Мостар.
Според добиените информации, авиокомпанијата Ер Србија за оваа директна линија ќе го користи Embraer E175. Во следните седум дена ќе се дефинираат и други технички детали и ќе се потпише договорот, по што влезниците ќе бидат достапни во продажба.
За потсетување, од Мостар во 2024 година треба да се воспостави директна линија до Рим, Минхен, Бари и Верона.
„Задоволни сме од фактот што италијанската авиокомпанија Skyalps.bz ги исполни поставените услови и испрати атрактивна понуда за директни летови до дестинациите на Рим, Минхен, Бари и Верона“, соопштија од аеродромот во Мостар.
Инаку, наведената компанија одговори на јавниот повик објавен од Меѓународниот аеродром во Мостар и Градот Мостар, а кој се однесуваше на избор на најповолни понудувачи за воспоставување на субвенционирани редовни летови за 2024 година.
