Српски доброволци во 119. полк на руската армија апелираа до претседателот Владимир Путин да ги премести на друг дел од бојното поле, во друга единица – поради многу лошиот однос кон нив. Нé пречекаа како да сме наркомани и алкохоличари“, вели меѓу другото еден од волонтерите на српски јазик во видеото кое се појави на социјалните мрежи, пренесува српски Н1.
На клипот кој се шири на социјалните мрежи се гледа група војници чии лица се претежно маскирани.
Прво, еден од волонтерите зборува на руски и ги набројува многу лошите услови, како и односот што властите го имаат кон нив.
– Обраќање до претседателот на Руската Федерација и министерот за одбрана на Руската Федерација. За барањето борците од 119-от полк, 106-та дивизија, да бидат префрлени во која било друга единица, пред сé во војската, делот 40-318, кој се наоѓа во Луганската Народна Република, или да ни го дадат најтешкиот дел однапред. Ние сме обучена единица и подготвени сме да ги завршиме задачите, но во моментов командантите на водовите се префрлаат во различни водови бидејќи им станало „непријатно“. Непријатно им е затоа што се обучени, тие не се разбојници, ниту алкохоличари, ниту наркомани. Тоа се луѓе кои имаат долгогодишно искуство со учество во воени операции. Едноставно тие, нашиот голем колектив кој се формираше со време и по голема цена, сега го уништуваат. Ве молиме помогнете ни да најдеме решение во оваа конфликтна ситуација. Командата на 119-от полк не сака да нé слуша – изјави еден од доброволците на руски јазик.
Потоа следеше порака на српски јазик.
– Се обраќаме до претседателот на Руската Федерација, Владимир Владимир Владимирович Путин и до другите институции кои можат да ни помогнат. Ние сме волонтери, дојдовме од Србија и други земји да се бориме за Русија. За Руската Федерација и рускиот народ. Овде не пречекаа како да сме наркомани и алкохоличари. Со нас се однесуваат лошо. Ни дадоа автомат. Некој добил четири рамки, некој добил два-три, а некој добил нула… – вели волонтерот на српски.
