Зимата и ниските температури имаат свои предности, особено за здравјето на луѓето.
Студот е добар за нашето здравје. Сепак, многумина не го знаат ова. Подолу ви пренесуваме неколку придобивки кои нашето тело и ум ги имаат од ниските температури.
Дишеме подобро
Поради почист воздух, подобро дишеме. Свежиот и чист воздух е идеален за поминување време во природа, долги прошетки и длабоко дишење.
Мозокот работи подобро
Докажано е дека на високи температури луѓето многу поретко носат поголеми, посложени одлуки. Топлото време побрзо ги исцрпува нашите резерви на гликоза, а додека ја користиме гликозата во менталните процеси, нејзиниот недостаток влијае на нашата способност да донесуваме одлуки.
Студот го намалува воспалението и ги отстранува инфекциите
Воспалението на мускулите често се ублажува со нанесување мраз на отечената и болна област. И ниските температури на воздухот го имаат истиот ефект.
Многу спортисти при лекување на воспаленија и повреди користат криотерапија, односно терапија со мраз, која вклучува изложување на екстремно ниски температури.
Да се биде надвор не прави поотпорни. Тоа е затоа што бројот на клетки кои се борат против инфекции всушност се зголемува кога сме надвор на студ.
Имаме повеќе енергија
Прошетката на ладно ќе ве енергизира и ќе бидете енергични со часови откако ќе се вратите на топло, бидејќи студот ја зголемува енергијата. Исто така, за да имате таков ефект, не треба да бидете долго изложени на студ, пренесува Klix.ba.
Спиеме подобро
Луѓето кои патат од несоница имаат повисока телесна температура, па затоа спиењето во малку разладена просторија, на идеална температура од 16 до 20 Целзиусови степени, ќе им помогне на оние кои страдаат од несоница, како и на сите останати, да спијат подобро.
