Поради редовното усогласување на акцизите, кое се прави двапати годишно, цената на цигарите во Србија повторно ќе поскапува во втората половина на јануари или почетокот на февруари, пишуваат Вечерње новости.
Досегашната практика беше производителите генерално да ги покачуваат цените за 10 динари по кутија цигари, што значи дека најевтината ќе биде 340, а најскапата 620 динари, а може да има и поскапување.
Целта на измените на акцизите на цигарите е да се усогласат со стандардите на Европската унија, според кои до 2025 година државата треба да заработува најмалку 90 евра за 1.000 цигари, што е 1,8 евра по кутија, за по поскапување во наредната година, цената ќе биде иста како во земјите од ЕУ.
Последната година имаше три поскапувања, бидејќи во октомври Владата ги зголеми акцизите за цигарите за осум отсто, поради што производителите ги покачија цените за 10 динари.
Со тоа зголемување државата заработува 90,99 динари по пакување.
