Најпозната српска модна инфлуенсерка Тамара Калиниќ ја дочека Новата година рамо до рамо со најпознатите фаци во светот.
Имено, Тамара ја помина новогодишната ноќ на гала прослава во Дубаи која ги собра сите големи имиња од светот на модата.
Веднаш до неа беше светската манекенска ѕвезда, Наоми Кемпбел, со која српската инфлуенсерка веќе подолго време има одличен однос.
Тамара на својот инстаграм-профил се пофали со одличната забава далеку од Србија, гламурозното издание и луксузот кој ја опкружува.
И Тамара и Наоми биле облечени во скапоцени бели фустани со длабоки изрези и голи грбови, а покрај фотографијата Тамара напишала:
– Оваа 2024 година ја започнав опкружена со љубов и со некои од моите омилени луѓе.
