Германскиот фудбалски прволигаш Лајпциг денес го претстави македонскиот репрезентативец Елиф Елмас како ново засилување во своите редови од кој се очекува полн придонес во наредниот период.
„Добредојде Елиф Елмас“ -му посакаа на Елмас од Лајпциг.
Елмас со германскиот бундеслигаш потпиша долгорочен договор до 2028 година. Тој во Лајпциг ќе го носи дресот со број 6.
„Со обезбедувањето на потписот на Елиф Елмас, успеавме да пополниме важна позиција во нашиот напад по заминувањето на Емил Форсберг. Го следевме некое време бидејќи тој е интересен играч. Сметаме дека совршено ќе се адаптира на тимот и ќе може веднаш да му помогне со својот квалитет. Техничката способност на Елиф е неверојатна. Може да игра по средината, но е подеднакво успешен на крилните позиции“ објави Лајпциг.
Елмас доаѓа во Лајпциг од Наполи. Дваесет и четиригодишниот фудбалер ќе ќе му се приклучи на германскиот тим на 2 јануари во Шпанија во тренинг кампот во „Ла Магна“.
