Израел ја проширува копнената офанзива врз палестинските бегалски кампови во центарот на Газа, истовремено предупредувајќи дека војната со Хамас ќе трае со месеци, јавува Би-Би-Си.
Обединетите нации изразија голема загриженост по израелските напади, наводно, убиле десетици луѓе во камповите Буреиј, Нусејрат и Магази во последните денови.
Тешките борби продолжуваат на југ, во градот Кан Јунис.
Во меѓувреме, палестинскиот претседател го опиша она што се случува во Газа како „војна што го надминува дури и целосното уништување“.
Министерството за здравство во Газа денеска соопшти дека во последните 24 часа на целата територија настрадале најмалку 195 лица.
Повеќе од 21.100 биле убиени – главно деца и жени – во текот на 11-неделните борби, според Министерството.
