Пилотот на грчкиот авион за обука „Т-2 бакеј“ загина кога неговиот авион се урна во близина на градот Каламата на јужниот дел на Пелопонез, јави државната телевизија ЕРТ.
При слетувањето на авионот за обука од американско производство, во кој бил само 40-годишниот пилот Костас Епаминондас, според очевидци се слушнала експлозија.
На местото на несреќата пристигнаа спасувачки екипи, полиција, пожарникари и војска.
Авионот „Т-2 бакеј“ од американско производство првпат полета кон крајот на 1950-тите и служеше како главен авион за обука на грчките воздухопловни сили со децении.
Во наредните месеци планирано е тој да биде повлечен од употреба.
