Лука Модриќ реши да инвестира во падел клубот Лас Теблас во Мадрид.
Капитенот на хрватската фудбалска репрезентација Лука Модриќ полека се подготвува за живот после фудбалот. Играчот од средниот ред на Реал Мадрид инвестираше во падел клуб во шпанската престолнина.
Кристијано Роналдо, на пример, го започна својот бизнис со спортски сали, хотели, клиника за трансплантација на коса, дури и бренд за вода, а Лука Модриќ се одлучи за падел.
Модриќ стана еден од главните инвеститори во падел клубот Лас Таблас, кој се наоѓа во северниот дел на Мадрид. Падел е многу популарен во шпанската метропола, па Модриќ реши да си ја проба среќата во тој бизнис.
Падел клубот Лас Таблас е во потрага по нов сопственик, но не сакаат да откријат кои се новите инвеститори, но шпанските медиуми откриваат дека еден од нив е актуелен играч на Реал. Клубот има 14 терени за падел, од кои десет се покриени со трева и имаат покрив, додека четири се непокриени. Имаат и две тениски игралишта со вештачка трева и уште едно земјено игралиште.
Лука и неговите партнери наводно сакаат да го претворат во ексклузивен клуб за елитата. Клубот има и ресторан и голем паркинг.
Се уште не е познато што ќе прави Модриќ по завршувањето на успешната кариера, но се чини дека ќе остане врзан за шпанската престолнина и таму ќе продолжи да ја гради својата деловна империја.
