Кремљ внимателно ги следи парламентарните избори во Србија, Русија го поздравува успехот на партијата на актуелниот претседател на републиката Александар Вучиќ, изјави за новинарите портпаролот на рускиот претседател Дмитриј Песков.
„Тоа е исклучиво внатрешно прашање на Србија, пријателска и братска Србија. Ние, секако, го поздравуваме овој успех на господинот Вучиќ и се надеваме дека ќе придонесе за понатамошен развој на републиката“, рече Песков.
Тој додаде дека Москва секако се надева дека ќе продолжи натамошното зајакнување на руско-српското пријателство, заемно корисната соработка и меѓусебното почитување.
Претходно, изборната комисија соопшти дека коалицијата „Александар Вучиќ – Србија не смее да запре“ продолжува да води на парламентарните избори во земјата со резултат од 47,21 отсто од гласовите по обработени 91,6 отсто од гласачките ливчиња.
