По кратко боледување, денеска почина доајенот на македонското новинарство Предраг Димитровски (64). Димитровски беше еден од најистакнатите македонски новинари со над 30 годишно искуство, беше главен уредник во весникот Вечер од 2005-2006 година, а потоа работеше во дневниот весник Дневник.
Последните години од работниот век ги помина во Република и во Пресинг ТВ каде специјалност му беа теми позврзани со односите со Бугарија. Неговите колумни предизвикуваа големо влијание и беа меѓу најчитаните. Посебно беше горд на биографијата на Павел Шатев, на која активно работеше.
Димитровски е добитник на наградата за долгогодишен придонес за професионално известување во професијата од МАН.
